Bravo Latata

又名邋遢遢。呢間野多年前0係銅鑼灣禮頓道開過一陣子舊年0係soho重開，同比小姐食lunch，神心地行上半山食。

清清地0既裝修，幾casual，不過可能今日公眾假期（10月31日），會蒲soho0既人都未有耐起身，所以算靜。

一坐低，侍應就俾左杯我以為係cocktail0既野，心諗應該無0黎錯啦，事關0係銅鑼灣食0個次都有一杯荔枝mimosa。飲落先知無酒精0既（可能係lunch關係），我估係西瓜溝熱情果之類。

因為未食早餐，早到0既我就叫0左個goat cheese on toast。焗得0岩0岩好，出黎0既時候，仲係吱吱聲，好鬼吸引~ 不過事先聲明，羊奶芝士0既氣味唔係人人都受得住架，叫之前要諗諗先喎。

兩個都叫0左business lunch。湯同沙律都ok，驚喜0既係個主菜。我0既羊架可以做到一滴哽口既榨都無，而且話medium就真係medium---須知最好0既扒房都成鬼日overcook。比小姐條聲稱係hand-caught既grill魚，有0的似鯖魚0個類，都feel到個番茄sauce整0左好耐。羊架絕對唔算難做，所以0係咁平凡0既野俾我食出佢既誠意，都真係算係咁。

甜品---哈哈哈，homemade0既玫瑰雪糕食到我地lem lem脷~ 到呢個時候其他客走晒，剩低兩個傻人0係到heh，又影下相，如是這般，又過了愉快的一個下午。